Historiku

Historia fillon në vitin 1983, në një laborator  modest nga komoditeti apo velgat e punës, por i pasur me ambicje e ëndrra të mëdha. Sfida  në atë inisiativë të asaj kohe, tashmë të fuqizuar si biznes, ishte përqafimi i teknologjisë së re dhe evoluimi në profesion.  Përditësimi me teknikat më bashkëkohore, pjesëmarrja në eventet dhe panairet ndërkombëtare për të qenë në një hap me trendet e kohës si dhe investimi në koleksionet e personalizuara të realizuara me mjeshtëri janë kryefjala e traditës tashmë 40 vjeçare të kompanisë.

Misioni

Misioni ynë është që çdo klient që blen stolitë tona të jetë i bindur që ka bërë zgjedhjen më të mirë të mundshme! Pika më e fortë e jona është cilësia dhe marrëdhënia me klientin. Ne duam t’i frymëzojmë të gjithë klientët tanë që ata të shprehin veten e tyre përmes artit tonë. Vizioni ynë në vitet e ardhshme është zhvillimi i koleksioneve të bizhuterive në përputhje me vlerat tona kryesore të luksit të përballueshëm, dizajnit bashkëkohor si dhe shërbimi me modele unike dhe të personalizuara në të gjitha shfaqjet e reja dhe tradicionale të tregjeve të luksit.

Profili, produktet

Profili i kompanisë sonë është i fokusuar në momentet më të bukura të jetës së klientit në çdo moshë të tij. Produktet tona e shoqërojnë klientin që në fëmijëri me varëse, byzylykë , vëthë dhe stoli të tjera të personalizuara, deri ngjarje të rëndësishme si martesa apo përvjetorë të ndryshëm. Koleksione të rralla dhe gjithë larmishmëria e metaleve apo gurëve të çmuar të cilat janë në dispozicion të dëshirave tuaja dhe të arpunuesit tuaj personal.